Vinnuhópur aðila vinnumarkaðarins kynnti nýlega, á fundi í Rúgbrauðsgerðinni, skýrslu um vinnumarkað og skipulag kjarasamninga í Skandinavíu. Markmiðið með úttektinni er að kanna og leita fyrirmynda á hinum Norðurlöndunum sem geti nýst við að bæta vinnubrögð við gerð kjarasamninga hér á landi þannig að þeir stuðli að stöðugu verðlagi, auknum kaupmætti launa og samkeppnishæfni atvinnulífsins. Skýrslan er mjög upplýsandi og eru félagsmenn KVH hvattir til að kynna sér efni hennar, en hana má sjá á vefsíðu BHM.

Á aðalfundi BHM, sem haldinn var þann 17. maí 2013, var samþykkt ný stefna BHM í menntamálum, launamálum, jafnréttismálum, lífeyrismálum og málefnum stúdenta og LÍN. Fundurinn var fjölmennur og áhugaverð erindi haldin, m.a. af Rögnu Árnadóttur, fyrrv.ráðherra og núverandi aðstoðarforstjóra Landsvirkjunar, um samráðsvettvang um aukna hagsæld á Íslandi.   Á vefsíðu BHM má lesa  þessa nýju stefnu BHM, auk ávarps formanns BHM, Guðlaugar Kristjánsdóttur.

Aðalfundur BHM verður haldinn 17. maí n.k. Athygli félagsmanna KVH er vakin á því að dagskrá aðalfundar BHM er opin frá kl.9:00-12:00.  Með erindi verða þau Rasmus Conradsen, frá Akademikerne í Danmörku sem kynnir „Videnpilot“ verkefnið og árangur þess og Ragna Árnadóttir, formaður samráðsvettvangsins og aðstoðarforstjóri Landsvirkjunar sem fjallar um Samráðsvettvang um aukna hagsæld á Íslandi. Auk þess mun Ævar Þórólfsson, sérfræðingur hjá Maskínu fjallar um Kjarakönnun BHM.  Fundurinn verður haldinn í Rúgbrauðsgerðinni, Borgartúni 6, 4. hæð.  Nánari upplýsingar um fundinn og dagskrá hans er að finna á heimasíðu BHM.

Orlofssjóður minnir þá félagsmenn sem fengu synjun eða hafa ekki bókað sumarhús í sumar að á morgun, 23. apríl,  rennur út forgangur á bókunum fyrir þá sem fengu synjun við sumarúthlutun. Enn er eitthvað af lausum vikum eftir.  Aðeins er leyfilegt að leigja eina viku í forgangi.

Bókun fer fram á bókunarvefnum: https://secure.bhm.is/orlofsvefur/Account/Login. Þar þarf að slá inn kennitölu og veflykil.  Þegar komið er inn á Bókunarvefinn skal velja „laust“ og svo það landsvæði sem hentar.  Bókað er með því að smella á dagana og greitt með kreditkorti.

Þann 24 apríl kl. 15. geta svo allir félagsmenn BHM aðildarfélaga bókað. Frá þeim tíma er líka hægt að bóka vikurnar 7-14/6 og 23-30/8 á flestum svæðum. Nánari upplýsingar gefur Margét Þórisdóttir, fulltrúi Orlofssjóðs (s: 595 5112).