Samningaviðræður Kjarafélags viðskiptafræðinga og hagfræðinga við samninganefnd Sambands íslenskra sveitarfélaga (SNS) hafa staðið yfir síðan í byrjun desember. Hið sama má reyndar segja um viðræður SNS við aðra viðsemjendur innan BHM.

Samninganefnd KVH hefur lagt fram ítarlegar tillögur að nýjum samningi til næstu ára, en viðbrögð SNS eru enn óljós.   Ekki tókst að ljúka viðræðum fyrir jól, þrátt fyrir áherslu KVH þar um.

Næsti samningafundur er boðaður í þessari viku.   Alls starfa tæplega 90 félagsmenn KVH hjá 27 sveitarfélögunum og heyra undir samning þennan.

Nú er hægt að senda inn umsókn um leigu á orlofshúsum eða íbúðum í útlöndum í sumar.  

Til að sækja um þarf að fara inn á bókunarvefinn. Umsóknarformið er undir „umsóknir“, og velja svo „sækja um“. Hægt er að breyta umsókninni  á meðan umsóknarfrestur er ekki liðinn. Það skiptir ekki máli hvenær á umsóknarfrestinum umsóknin kemur inn svo framarlega sem hún kemur inn í síðasta lagi á lokadeginum. Úthlutun fer eftir punktakerfi þar sem kerfið skoðar hverja umsókn fyrir sig. Ef margir sækja um á sama stað á sama tíma fær sá úthlutun sem á flesta punkta. Punktasöfnun fer þannig fram að hver greiðslumánuður  í sjóðinn gefur 4 punkta, árið gefur því 48 punkta.

Umsóknarfrestur rennur út sem hér segir:

Útlönd  á miðnætti       —    15. febrúar  2016, niðurstöður ættu að liggja fyrir um 16. febrúar.

Páskar   á miðnætti*      —   29. febrúar 2016, niðurstöður ættu að liggja fyrir um 27. febrúar.

Sumarið innanlands 2016*  —   31. mars 2016, niðurstöður ættu að liggja fyrir um 1. apríl.

*ATH rafræna umsóknarformið fyrir sumarhúsin um páska og innanlands er einnig komið inn á vefinn

KVH vill minna á að Orlofssjóður BHM er á facebook, þangað eru settar auglýsingar um sumarhús sem losna með stuttum fyrirvara. Einnig er hægt að skrá sig á póstlista á Bókunarvef sjóðsins.

Samkomulag um breytingar og framlenginu kjarasamnings KVH og Reykjavíkurborgar, sem undirritað var 18. desember  var samþykkt í rafrænni atkvæðagreiðslu sem lauk þriðudaginn 22. desember síðast liðinn. Alls 95,8% þeirra sem atkvæði greiddu, samþykktu samninginn.  Hann gildir frá 1. september 2015 til 31. mars 2019.

Í morgun, föstudaginn 18. des, var undirritað Samkomulag um breytingar og framlengingu kjarasamnings KVH og Reykjavíkurborgar. Samningurinn er í samræmi við aðra kjarasamninga sem gerðir hafa verið að undanförnu, og jafnframt í takt við samræmda launastefnu aðila vinnumarkaðarins, sem mótuð var í svokölluðum „Salek-viðræðum“.   Gildistíminn er frá 1. september 2015 og til 31. mars 2019. Atkvæðagreiðsla um saminginn verður næstu daga.