Aðalfundur Kjarafélags viðskiptafræðinga og hagfræðinga (KVH) verður haldinn miðvikudaginn 23. mars 2022, kl. 12:00 – 13:30, í aðalfundarsal BHM að Borgartúni 6, 4. hæð.

Dagskrá:

• Skýrsla stjórnar um störf félagsins á liðnu starfsári
• Reikningar félagsins
• Skýrslur og tillögur nefnda
• Tillögur félagsstjórnar
• Kosning í embætti stjórnar og önnur trúnaðarstörf
• Lagabreytingar
• Ákvörðun félagsgjalda
• Fjárhagsáætlun og fjárfestingastefna félagsins
• Önnur mál

Fjarvinnu fylgja áskoranir, BHM býður því upp á fyrirlestur með Ingrid Kuhlman, sálfræðingi, um hvernig á að takast á við þær.

Hér er einnig hægt að skoða næstu viðburði á fræðsludagskrá BHM

Smelltu hér til að skrá þig á fyrirlesturinn

Fjarvinna og samskipti

Fyrirlestur með Ingrid Kuhlman á Teams þriðjudaginn 15. mars kl. 11:00-12:00

Það er ljóst að yfirstandandi heimsfaraldur hefur valdið straumhvörfum í því hvernig unnið er á vinnustöðum. Fjölmargir vinnustaðir líta nú á fjarvinnu sem raunhæfan valkost og hafa gert samninga við starfsfólk sitt sem fela í sér að ákveðnum hlutfalli vinnutímans megi verja í fjarvinnu. Ýmis samskiptatól og tækinýjungar styðja við þessa vegferð. Fjarvinna virðist því vera komin til að vera, sem er fagnaðarefni, en auðvitað er að mörgu að hyggja með breyttu vinnufyrirkomulagi.

• Hvernig er t.d. hægt að halda góðu sambandi við yfirmann og vinnufélaga?
• Hvernig hefur fjarvinna áhrif á teymisvinnu og félagsleg tengsl?
• Hvaða vandamál koma upp í fjarvinnuumhverfi og hvernig er
  hægt að ráða fram úr þeim?

Þetta og fleira verður rætt í fyrirlestrinum.

Ingrid Kuhlman er leiðbeinandi og ráðgjafi hjá Þekkingarmiðlun, MSc í hagnýtri jákvæðri sálfræði. Fyrirlesturinn er félagsmönnum aðildarfélaga BHM að kostnaðarlausu. Námskeiðið verður tekið upp og gert aðgengilegt á Námskeiðasíðu BHM í viku í kjölfarið.

Smelltu hér til að skrá þig á fyrirlesturinn

Orlofsblaðið, árlegt kynningar- og upplýsingarit Orlofssjóðs BHM, er komið út.  Þar eru kynntir þeir orlofskostir sem sjóðfélögum standa til boða.

Orlofsblaðið 2022 er hægt að lesa hér.

Í sumar mun orlofssjóðurinn bjóða upp á 61 hús eða íbúðir innanlands í öllum landshlutum og um 670 leiguvikur.

Sjóðfélagar sem hug hafa á að nýta orlofskosti að sumri eru hvattir til að sækja um úthlutun. Vakin er sérstök athygli á að alltaf er töluverð hreyfing á þeim orlofskostum sem bjóðast eftir að úthlutun er lokið. Þeir sem sent hafa inn umsókn fyrir tíma- bilið geta þá bókað orlofskosti sem losna á undan öðrum sjóðfélögum sem ekki sóttu um. Bent er á svokölluð flakkarahús sem eru undanskilin út- hlutun, í tilviki þeirra hefur punktafjöldi ekki áhrif á möguleika sjóðfélaga til að fá þessi hús heldur ræður þar reglan „fyrstur bókar, fyrstur fær“.

Sjóðfélagar eru einnig hvattir til að fylgja Facebook-síðu sjóðsins  því þar eru oft settar inn tilkynningar ef hús losna með stuttum fyrirvara.

Við hvetjum ykkur til að líta á næstu viðburði á Fræðsludagskrá BHM.

Meðvirkni á vinnustöðum

Sigríður Indriðadóttir, eigandi og þjálfari hjá SAGA Competence fer yfir hvernig meðvirkni birtist á vinnustaðnum og með hvaða hætti meðvirknimynstur geta skapast. Einnig er skoðað hvaða áhrif meðvirkni hefur á starfsfólk, vinnustaðarmenninguna og árangur í víðum skilningi og svo verða kynntar einfaldar en áhrifaríkar leiðir til að efla stjórnendur og starfsfólk til að byggja upp betri vinnustað.

Sigríður er mannauðsfræðingur og markþjálfi og býr yfir fjórtán ára reynslu og víðtækri þekkingu á sviði stjórnunar, mannauðsmála og rekstrar.

Þriðjudaginn 8. mars kl. 13:00-14:00 á 4. hæð í Borgartúni 6
Fyrirlestrinum verður einnig streymt á Teams, smelltu hér til að skrá þig.
Vinsamlegast athugið að fyrirlesturinn verður ekki tekinn upp
og því ekki hægt að horfa á hann síðar.

Framkoma og ræðumennska

Mánudaginn 14. mars kl. 13:00-17:00 í Borgartúni 6, 4. hæð

Stígðu inn í styrkinn þinn og lærðu að hafa áhrif á þessu skemmtilegt og praktíska námskeiði. Þar færð þú æfingu í grunnatriðum sem efla þig í ræðumennsku; að styrkja líkamstjáningu, auka útgeislun, beita rödd og skerpa á framsögn.

Þú lærir einfalda og markvissa uppbyggingu á ræðum og kynningum sem auðveldar þér að komast að kjarna málsins.

Leiðbeinandi er María Ellingsen leikari og stjórnendaþjálfari. Hún hefur mikla reynslu af m.a. skipulagningu viðburða og þjálfun fólks og hafa námskeið hennar notið vinsælda um árabil.

Athugli er vakin á því að takmarkað pláss er á námskeiðið, skráning er hafin og nokkur sæti enn laus, smelltu hér til að skrá þig.

Námskeiðið er staðnámskeið og verður haldið í Borgartúni 6 en ekki rafrænt. Það verður ekki tekið upp.