Aðalfundur Kjarafélags viðskiptafræðinga og hagfræðinga var haldinn 25. mars sl. Í fyrsta skipti í sögu félagsins var fundurinn haldinn rafrænn, en það er ánægjulegt að greina frá því að 85 félagsmenn KVH tóku þátt í fundinum. Auk venjulegra aðalfundarstarfa, skýrslu stjórnar um starfsemi félagsins, samþykkt reikninga og fjárhagsáætlunar, fór fram kosning í embætti.

Eftirfarandi skipa nýja stjórn KVH:

• Stefán Þór Björnsson, formaður
• Ásta Leonhardsdóttir, varaformaður/ritari
• Helga S. Sigurðardóttir, gjaldkeri
• Guðjón Hlynur Guðmundsson, meðstjórnandi
• Heiðrún Sigurðardóttir, meðstjórnandi

Varastjórn skipa:

• Björn Bjarnason
• Irina S. Ogurtsova
• Karl Einarsson

Upptaka af Starfslokanámskeiðinu sem haldið var fimmtudaginn 25. mars er nú aðgengileg á fræðslusíðu BHM.

Hægt verður að horfa á námskeiðið til og með 3. apríl.

Kennari var Björn Berg Gunnarsson, deildarstjóri Greiningar og fræðslu hjá  Íslandsbanka.

Fjármál geta flækst til muna þegar taka lífeyris hefst.

Á námskeiðinu er farið yfir atriði sem mikilvægt er að hafa í huga þegar starfslok eru undirbúin, s.s.:

• Hvernig eru greiðslur og skerðingar Tryggingastofnunar?
• Hvenær á ég að hefja töku lífeyris?
• Hvernig virka hálfur lífeyrir og skipting lífeyris með maka?
• Hvað ef mig langar að halda áfram að vinna eftir 65/67 ára aldur?
• Hvernig ætti ég að taka út séreignarsparnaðinn minn?
• Hvað þarf ég að vita varðandi skattkerfið?
• Hvaða áhrif hefur ávöxtun sparifjár?

Smellið hér til að skrá ykkur inn á fræðslusíðuna:

https://www.bhm.is/fyrir-felagsmenn-innskraning

Fræðslusíðan er lokað svæði sem er eingöngu fyrir félagsmenn aðildarfélaga BHM. Námskeiðin þar eru félagsmönnum að kostnaðarlausu en stofna þarf sérstakan aðgang til að fá aðgang að svæðinu. Hafir þú ekki stofnað aðgang nú þegar, getur þú gert það hér:  https://www.bhm.is/audkenning/Signup/

Aðalfundur Kjarafélags viðskiptafræðinga og hagfræðinga (KVH) verður haldinn fimmtudaginn 25 . mars 2021, kl. 12:00 – 13:30. Fundurinn er rafrænn en skráningarform verður sent til félagsmanna á morgun, föstudaginn 12. mars.

Dagskrá:

Skýrsla stjórnar um störf félagsins á liðnu starfsári

Reikningar félagsins

Tillögur félagsstjórnar

Kosning í embætti stjórnar og önnur trúnaðarstörf

Lagabreytingar

Ákvörðun félagsgjalda

Fjárhagsáætlun og fjárfestingastefna félagsins

Önnur mál

Kosningar: Á þessum aðalfundi skal skv. lögum félagsins kjósa þrjá aðalmenn til stjórnarsetu í 2 ár, þ.e. formann, gjaldkera og meðstjórnanda. Að auki skal kjósa þrjá varamenn í stjórn og tvo skoðunarmenn reikninga. Eftirtaldir hafa gefið kost á sér með lögmætum fyrirvara til þessara embætta:

• Til formanns: Ársæll Baldursson og Stefán Þór Björnsson.
• Til gjaldkera: Ásta Leonhardsdóttir og Helga S. Sigurðardóttir
• Til meðstjórnanda: Guðjón Hlynur Guðmundsson, Helga S. Sigurðardóttir og Stefán Þór Björnsson
• Til varastjórnar: Björn Bjarnason, Irina S. Ogurtsova og Karl Einarsson. Sjálfkjörin.
• Til skoðunarmanna reikninga: Jóngeir Hlinason og Magnús Sigurðsson. Sjálfkjörnir.

Það skal sérstaklega áréttað að atkvæðisrétt á aðalfundum og kjörgengi í embætti hafa þeir félagsmenn sem eru fullgildir félagar þann 1. mars næst á undan aðalfundi.

Til þess að teljast fullgildir félagsmenn þá þurfa viðkomandi að hafa sótt um formlega aðild og skilað viðurkenndu prófskírteini til félagsins.

Félagsmenn KVH eru hvattir til að taka þátt í aðalfundinum.

Á næstunni býður BHM upp á þrjú áhugaverð námskeið:

Skráning á viðburðinn fer fram í viðburðadagatali: Jákvæð samskipti

This course in Occupational Health and Safety 101  is also available in English, to sign up please e-mail elisa@bhm.is.
Til að skrá þig á námskeiðið, sendu tölvupóst á elisa@bhm.is.

Hlekkur á viðburðinn í viðburðadagatali: Starfslokanámskeið